ఆంధ్రప్రదేశ్‌లో ప్రభుత్వ ఉద్యోగాల కోసం ఎదురుచూస్తున్న అభ్యర్థులకు మరో అవకాశం. జిల్లా న్యాయ సేవల ప్రాధికార సంస్థ పరిధిలో డ్రైవర్ పోస్టు భర్తీకి నోటిఫికేషన్ విడుదలైంది. 10వ తరగతి ఉత్తీర్ణతతో పాటు హెవీ మోటార్ వెహికల్ డ్రైవింగ్ లైసెన్స్ ఉన్న అభ్యర్థులు దరఖాస్తు చేసుకోవచ్చు.
ఉద్యోగ వివరాలు
- సంస్థ: జిల్లా న్యాయ సేవల ప్రాధికార సంస్థ
- పోస్టు పేరు: డ్రైవర్
- మొత్తం ఖాళీలు: 1
- ఉద్యోగ విధానం: తాత్కాలికం, రోజువారీ వేతన ప్రాతిపదికన
- నెలకు గరిష్ఠ వేతనం: రూ.23,780
- దరఖాస్తు విధానం: ఆఫ్‌లైన్
- చివరి తేదీ: 13 నవంబర్ 2026, సాయంత్రం 5 గంటల వరకు
విద్యార్హతలు
ఈ ఉద్యోగానికి దరఖాస్తు చేసుకునే అభ్యర్థులు కింది అర్హతలు కలిగి ఉండాలి.
- గుర్తింపు పొందిన విద్యాసంస్థ నుంచి పదో తరగతి (SSC) ఉత్తీర్ణులై ఉండాలి.
- చెల్లుబాటు అయ్యే హెవీ మోటార్ వెహికల్ (HMV) డ్రైవింగ్ లైసెన్స్ కలిగి ఉండాలి.
- వాహనాన్ని నడపడానికి అవసరమైన శారీరక ఆరోగ్యం కలిగి ఉండాలి.
- కోర్టులు లేదా న్యాయ సేవల సంస్థల్లో గతంలో డ్రైవర్‌గా పనిచేసిన వారికి ప్రాధాన్యత ఉంటుంది.
వయోపరిమితి
2026 సెప్టెంబర్ 1వ తేదీ నాటికి అభ్యర్థులకు కనీసం 18 సంవత్సరాలు నిండి ఉండాలి. గరిష్ఠ వయస్సు 44 సంవత్సరాలు మించకూడదు.
ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు నిబంధనల ప్రకారం ఐదేళ్ల వయోసడలింపు ఉంటుంది. దివ్యాంగులు, మాజీ సైనికులకు వర్తించే సడలింపుల వివరాలను అధికారిక ప్రకటనలో పరిశీలించాలి.
జీతం ఎంత?
ఎంపికైన డ్రైవర్‌కు పని చేసిన రోజుకు రూ.800 చొప్పున చెల్లిస్తారు. నెలకు గరిష్ఠంగా రూ.23,780 వరకు వేతనం పొందే అవకాశం ఉంటుంది. ఇది స్థిరమైన నెలవారీ జీతం కలిగిన శాశ్వత ఉద్యోగం కాదు. పని చేసిన రోజుల ఆధారంగా వేతనం చెల్లిస్తారు.
ఎంపిక విధానం
అభ్యర్థుల ఎంపిక ఆంధ్రప్రదేశ్ రాష్ట్ర న్యాయ సేవల ప్రాధికార సంస్థ జారీ చేసిన మార్గదర్శకాల ప్రకారం జరుగుతుంది. అవసరమైన అర్హతలు, డ్రైవింగ్ నైపుణ్యం, ఇతర నిబంధనలను పరిశీలించి ఎంపిక చేస్తారు.
దరఖాస్తు విధానం
ఈ ఉద్యోగానికి ఆన్‌లైన్‌లో దరఖాస్తు చేసుకునే అవకాశం లేదు. అధికారిక నోటిఫికేషన్‌లో ఇచ్చిన దరఖాస్తు నమూనాను ఉపయోగించి ఆఫ్‌లైన్‌లో దరఖాస్తు చేయాలి.
- ముందుగా అధికారిక నోటిఫికేషన్‌ను డౌన్‌లోడ్ చేసుకోండి.
- అందులో ఇచ్చిన దరఖాస్తు నమూనాను తీసుకోండి.
- అభ్యర్థి పేరు, పుట్టిన తేదీ, వయస్సు, చిరునామా, విద్యార్హతల వివరాలను నింపండి.
- డ్రైవింగ్ లైసెన్స్ నంబర్, దాని గడువు తేదీ వంటి వివరాలను నమోదు చేయండి.
- విద్యార్హతల ధ్రువపత్రాలు, డ్రైవింగ్ లైసెన్స్, వయస్సు ధ్రువీకరణ పత్రం, అవసరమైన ఇతర ధ్రువపత్రాల ధ్రువీకరించిన ప్రతులను జతచేయండి.
- ఇటీవల తీసిన పాస్‌పోర్ట్ సైజు ఫొటోను గెజిటెడ్ అధికారి ధ్రువీకరించి జతచేయాలి.
- రిజిస్టర్డ్ పోస్టు ద్వారా పంపేందుకు రూ.65 స్టాంపులు అతికించిన స్వీయ చిరునామా కవరును కూడా జతచేయాలి.
- కవరుపై దరఖాస్తు చేస్తున్న పోస్టు పేరును స్పష్టంగా రాయాలి.
దరఖాస్తు పంపాల్సిన చిరునామా
అధ్యక్షులు,
జిల్లా న్యాయ సేవల ప్రాధికార సంస్థ,
కృష్ణా జిల్లా, మచిలీపట్నం.
దరఖాస్తును రిజిస్టర్డ్ పోస్టు, కొరియర్ ద్వారా లేదా కార్యాలయంలో స్వయంగా అందజేయవచ్చు. పూర్తి చేసిన దరఖాస్తు 13 నవంబర్ 2026 సాయంత్రం 5 గంటలలోపు సంబంధిత కార్యాలయానికి చేరాలి. ఆలస్యంగా వచ్చిన దరఖాస్తులను స్వీకరించరు.
ముఖ్యమైన సూచనలు
- దరఖాస్తును అధికారిక ప్రకటనలో ఇచ్చిన నమూనాలోనే సమర్పించాలి.
- అవసరమైన ధ్రువపత్రాలు జతచేయకపోతే దరఖాస్తు తిరస్కరించే అవకాశం ఉంది.
- కోర్టులు లేదా న్యాయ సేవల సంస్థల్లో గతంలో పనిచేసిన వారికి ప్రాధాన్యత ఉంటుంది.
- ఈ నియామకం పూర్తిగా తాత్కాలికం. అవసరాన్ని బట్టి ఎలాంటి ముందస్తు నోటీసు లేకుండానే సేవలను ముగించే అవకాశం ఉంది.
- ఈ ఉద్యోగానికి ప్రయాణ భత్యం, రోజువారీ భత్యం చెల్లించరు.
ముఖ్యమైన తేది
దరఖాస్తుకు చివరి తేది : 13 నవంబర్ 2026, సాయంత్రం 5 గంటలు.
Official Notification : Click Here
