భారత ప్రభుత్వ రంగ సంస్థ ఎయిర్‌పోర్ట్స్ అథారిటీ ఆఫ్ ఇండియా (AAI)లో వివిధ విభాగాల్లో కన్సల్టెంట్ పోస్టుల భర్తీకి నోటిఫికేషన్ విడుదలైంది. ఈ నియామక ప్రక్రియను ఎడ్యుకేషనల్ కన్సల్టెంట్స్ ఇండియా లిమిటెడ్ (EdCIL) ద్వారా చేపడుతున్నారు. మొత్తం 18 ఖాళీలను భర్తీ చేయనున్నారు. ఎంపికైన వారికి పోస్టును బట్టి నెలకు రూ.70,000 నుంచి రూ.1,50,000 వరకు వేతనం చెల్లిస్తారు.
ఈ పోస్టులు ఒక సంవత్సరం కాంట్రాక్ట్ ప్రాతిపదికన ఉంటాయి. పనితీరు, సంస్థ అవసరాలను బట్టి కాంట్రాక్ట్‌ను పొడిగించే అవకాశం ఉంటుంది. ఆసక్తి, అర్హత కలిగిన అభ్యర్థులు 2026 నవంబర్ 10వ తేదీలోపు ఆన్‌లైన్‌లో దరఖాస్తు చేసుకోవాలి.
ఖాళీల వివరాలు
మొత్తం 18 పోస్టులను వివిధ విభాగాల్లో భర్తీ చేయనున్నారు.
- జూనియర్ కన్సల్టెంట్ – క్లినికల్ సైకాలజిస్ట్: 1
- జూనియర్ కన్సల్టెంట్ – ఎయిర్‌పోర్ట్ సిస్టమ్స్: 1
- కన్సల్టెంట్ – బర్డ్ అండ్ వైల్డ్‌లైఫ్ మేనేజ్‌మెంట్: 1
- అసోసియేట్ కన్సల్టెంట్ – బర్డ్ అండ్ వైల్డ్‌లైఫ్ మేనేజ్‌మెంట్: 1
- జూనియర్ కన్సల్టెంట్ – అబ్స్టాకిల్ మేనేజ్‌మెంట్: 1
- అసోసియేట్ కన్సల్టెంట్ – అబ్స్టాకిల్ మేనేజ్‌మెంట్: 1
- కన్సల్టెంట్ – హార్టికల్చర్: 2
- సీనియర్ కన్సల్టెంట్ – లా: 3
- కన్సల్టెంట్ – కంటెంట్ రైటర్: 1
- కన్సల్టెంట్ – గ్రాఫిక్ డిజైనర్: 1
- కన్సల్టెంట్ – వీడియో ఎడిటర్: 1
- జూనియర్ కన్సల్టెంట్ – టెక్నికల్: 2
- అసోసియేట్ కన్సల్టెంట్ – టెక్నికల్: 2
విద్య అర్హతలు
పోస్టును బట్టి విద్యార్హతలు వేర్వేరుగా ఉన్నాయి.
- క్లినికల్ సైకాలజిస్ట్ పోస్టుకు సైకాలజీలో పీజీ అర్హత ఉండాలి.
- ఎయిర్‌పోర్ట్ సిస్టమ్స్ పోస్టుకు ఎలక్ట్రానిక్స్, ఈసీఈ లేదా సంబంధిత విభాగంలో ఇంజినీరింగ్ డిగ్రీ అవసరం.
- బర్డ్ అండ్ వైల్డ్‌లైఫ్ మేనేజ్‌మెంట్ పోస్టులకు వైల్డ్‌లైఫ్ సైన్స్, జువాలజీ, ఎన్విరాన్‌మెంటల్ సైన్స్ లేదా లైఫ్ సైన్సెస్‌లో మాస్టర్స్ డిగ్రీ ఉండాలి.
- అబ్స్టాకిల్ మేనేజ్‌మెంట్ పోస్టులకు సివిల్ ఇంజినీరింగ్ డిగ్రీ అవసరం.
- హార్టికల్చర్ పోస్టులకు అగ్రికల్చర్ లేదా హార్టికల్చర్‌లో ఎంఎస్సీ అర్హత ఉండాలి.
- లా పోస్టులకు గుర్తింపు పొందిన న్యాయ విద్యార్హత అవసరం.
- కంటెంట్ రైటర్ పోస్టుకు మాస్ కమ్యూనికేషన్, జర్నలిజం, ఇంగ్లిష్ లిటరేచర్‌లో డిగ్రీ లేదా సంబంధిత పీజీ అర్హత ఉండాలి.
- గ్రాఫిక్ డిజైనర్ పోస్టుకు డిగ్రీతో పాటు మల్టీమీడియా, యానిమేషన్, గ్రాఫిక్ డిజైన్ లేదా సంబంధిత విభాగంలో అర్హత ఉండాలి.
- వీడియో ఎడిటర్ పోస్టుకు డిగ్రీతో పాటు ఫిల్మ్ ప్రొడక్షన్, మీడియా స్టడీస్, మాస్ కమ్యూనికేషన్, విజువల్ ఆర్ట్స్ లేదా యానిమేషన్‌కు సంబంధించిన అర్హత ఉండాలి.
- టెక్నికల్ పోస్టులకు మెకానికల్ లేదా ఆటోమొబైల్ ఇంజినీరింగ్‌కు సంబంధించిన విద్యార్హత అవసరం.
వయస్సు
పోస్టును బట్టి గరిష్ఠ వయోపరిమితి 30 నుంచి 45 సంవత్సరాల వరకు నిర్ణయించారు. జూనియర్, అసోసియేట్ స్థాయి పోస్టులకు సాధారణంగా 30 లేదా 35 సంవత్సరాలు, కన్సల్టెంట్ పోస్టులకు 40 సంవత్సరాలు, సీనియర్ కన్సల్టెంట్ పోస్టుకు 45 సంవత్సరాల వరకు వయోపరిమితి ఉంది. వయస్సును 2026 అక్టోబర్ 27వ తేదీ నాటికి లెక్కిస్తారు.
జీతం ఎంత?
ఎంపికైన అభ్యర్థులకు పోస్టును బట్టి నెలవారీ కన్సాలిడేటెడ్ రెమ్యునరేషన్ చెల్లిస్తారు.
- అసోసియేట్ కన్సల్టెంట్ పోస్టులు: రూ.70,000
- జూనియర్ కన్సల్టెంట్ పోస్టులు: రూ.1,00,000
- కన్సల్టెంట్ పోస్టులు: రూ.1,20,000
- సీనియర్ కన్సల్టెంట్ – లా: రూ.1,50,000
ఈ మొత్తం కన్సాలిడేటెడ్ రెమ్యునరేషన్ మాత్రమే. ఇతర అలవెన్సులు ప్రత్యేకంగా చెల్లించరు.
ఎంపిక విధానం
అభ్యర్థుల అర్హతలు, సమర్పించిన ధ్రువపత్రాలను పరిశీలించిన తర్వాత ఇంటర్వ్యూ నిర్వహిస్తారు. ఇంటర్వ్యూలో సాధించిన మెరిట్ ఆధారంగా తుది ఎంపిక ఉంటుంది. ఇంటర్వ్యూలో కనీసం 50 మార్కులు సాధించాల్సి ఉంటుంది.
Official Notification : Click Here
