బ్యాంకింగ్ రంగంలో ఉద్యోగం కోసం ఎదురుచూస్తున్న అభ్యర్థులకు బ్యాంక్ ఆఫ్ బరోడా భారీ నోటిఫికేషన్ విడుదల చేసింది. వివిధ విభాగాల్లో రెగ్యులర్ ప్రాతిపదికన మొత్తం 1,100 ఉద్యోగాలను భర్తీ చేయనుంది. ఈ పోస్టులకు సంబంధించిన అధికారిక ప్రకటనను బ్యాంక్ విడుదల చేసింది.
ఈ నియామకంలో Wealth Executive పోస్టులు 1,000 ఉండగా, Credit Analyst – Corporate & Institutional Credit పోస్టులు 100 ఉన్నాయి. పోస్టును బట్టి విద్యార్హతతో పాటు సంబంధిత పని అనుభవం తప్పనిసరిగా ఉండాలి.
మొత్తం 1,100 ఉద్యోగాలు
బ్యాంక్ ఆఫ్ బరోడా విడుదల చేసిన నోటిఫికేషన్ ప్రకారం ఉద్యోగాల వివరాలు ఇలా ఉన్నాయి:
- Wealth Executive – 1,000 పోస్టులు
- Credit Analyst – C&IC – 100 పోస్టులు
- మొత్తం – 1,100 పోస్టులు
ఈ ఉద్యోగాలు రెగ్యులర్ ప్రాతిపదికన భర్తీ చేయనున్నారు. ఎంపికైన అభ్యర్థులను దేశంలోని బ్యాంక్ శాఖలు లేదా కార్యాలయాల్లో ఎక్కడైనా పోస్టింగ్ ఇవ్వవచ్చు.
Wealth Executive పోస్టుకు అర్హత
Wealth Executive పోస్టుకు ఏదైనా విభాగంలో గ్రాడ్యుయేషన్ పూర్తి చేసి ఉండాలి.
Credit Analyst పోస్టుకు అర్హత
Credit Analyst – Corporate & Institutional Credit పోస్టుకు కూడా ఏదైనా విభాగంలో గ్రాడ్యుయేషన్ ఉండాలి.
వయోపరిమితి
వయసును 2026 సెప్టెంబర్ 1 నాటికి లెక్కించారు.
- Wealth Executive: 22 నుంచి 32 సంవత్సరాలు
- Credit Analyst: 21 నుంచి 33 సంవత్సరాలు
రిజర్వేషన్‌ కేటగిరీలకు ప్రభుత్వ నిబంధనల ప్రకారం గరిష్ఠ వయసులో సడలింపు ఉంటుంది.
జీతం ఎంత?
ఎంపికైన అభ్యర్థులకు బ్యాంకింగ్ రంగానికి వర్తించే పే స్కేల్ ప్రకారం జీతం లభిస్తుంది.
Wealth Executive (JMG/S-I) పోస్టుకు ప్రాథమిక వేతన స్కేల్ రూ.48,480 నుంచి రూ.85,920 వరకు ఉంటుంది.
Credit Analyst (MMG/S-II) పోస్టుకు ప్రాథమిక వేతన స్కేల్ రూ.64,820 నుంచి రూ.93,960 వరకు ఉంటుంది.
దీనికి అదనంగా బ్యాంక్ నిబంధనల ప్రకారం వివిధ అలవెన్సులు, ఇతర ప్రయోజనాలు లభిస్తాయి.
అప్లికేషన్ ఫీజు
- General, EWS, OBC అభ్యర్థులకు: రూ.850 + పేమెంట్ గేట్‌వే ఛార్జీలు
- SC, ST, PwBD, ESM, మహిళా అభ్యర్థులకు: రూ.175 + పేమెంట్ గేట్‌వే ఛార్జీలు
ఈ ఫీజు తిరిగి చెల్లించబడదు.
ఎంపిక విధానం
అభ్యర్థుల ఎంపికలో అవసరాన్ని బట్టి ఆన్‌లైన్ టెస్ట్, సైకోమెట్రిక్ టెస్ట్, గ్రూప్ డిస్కషన్, పర్సనల్ ఇంటర్వ్యూ లేదా ఇతర పరీక్షా విధానాలు ఉండవచ్చు.
ఆన్‌లైన్ టెస్ట్ నిర్వహిస్తే మొత్తం 120 ప్రశ్నలు, 120 మార్కులు, 120 నిమిషాల సమయం ఉంటుంది.
పరీక్షలో:
- English Language – 20 ప్రశ్నలు
- Reasoning Ability & Quantitative Aptitude – 20 ప్రశ్నలు
- General/Economic & Banking Awareness – 20 ప్రశ్నలు
- Professional Knowledge – 60 ప్రశ్నలు
తప్పు సమాధానానికి 0.25 మార్కు నెగెటివ్ మార్కింగ్ ఉంటుంది.
పోస్టింగ్ ఎక్కడ?
ఎంపికైన అభ్యర్థులను బ్యాంక్ అవసరాన్ని బట్టి దేశంలోని ఏ ప్రాంతంలోనైనా శాఖలు లేదా కార్యాలయాల్లో పోస్టింగ్ ఇవ్వవచ్చు. అభ్యర్థులు దేశంలో ఎక్కడైనా పనిచేయడానికి సిద్ధంగా ఉండాలని నోటిఫికేషన్‌లో స్పష్టం చేశారు.
ఆన్‌లైన్ పరీక్ష నిర్వహిస్తే తెలంగాణలో హైదరాబాద్, కరీంనగర్, వరంగల్, ఖమ్మం వంటి కేంద్రాలను కూడా పరీక్షా కేంద్రాల జాబితాలో చేర్చారు. ఆంధ్రప్రదేశ్‌లో విజయవాడ, విశాఖపట్నం, గుంటూరు, తిరుపతి, నెల్లూరు తదితర కేంద్రాలు ఉన్నాయి.
దరఖాస్తు తేదిలు :
బ్యాంక్ ఆఫ్ బరోడా నోటిఫికేషన్ ప్రకారం ఆన్‌లైన్ దరఖాస్తులు 2026 సెప్టెంబర్ 4న ప్రారంభమయ్యాయి. దరఖాస్తు మరియు ఫీజు చెల్లింపుకు సెప్టెంబర్ 24, 2026 చివరి తేదీగా నిర్ణయించారు. కానీ అభ్యర్థుల కోసం 01 అక్టోబర్ 2026 వరకు పొడిగించారు.
Official Notification : Click Here
Last date Extended notice : Click here
