ఆంధ్రప్రదేశ్‌లోని తిరుపతిలో ఉన్న ప్రతిష్ఠాత్మక విద్యాసంస్థ ఐఐటీ తిరుపతి (IIT Tirupati) నిరుద్యోగులకు మంచి అవకాశాన్ని ప్రకటించింది. సంస్థ సెంట్రల్ లైబ్రరీలో జూనియర్ లైబ్రరీ ఎగ్జిక్యూటివ్ పోస్టుల భర్తీకి నోటిఫికేషన్ విడుదల చేసింది. మొత్తం 4 ఖాళీలను భర్తీ చేయనున్నారు. ఎంపికైన వారికి నెలకు రూ.25,000 స్టైపెండ్‌ చెల్లిస్తారు.
లైబ్రరీ అండ్ ఇన్ఫర్మేషన్ సైన్స్‌లో మాస్టర్స్ డిగ్రీ పూర్తి చేసిన అభ్యర్థులు ఈ పోస్టులకు దరఖాస్తు చేసుకోవచ్చు. ఆసక్తి ఉన్నవారు 2026 నవంబర్ 25వ తేదీలోపు ఆన్‌లైన్‌లో అప్లై చేయాలి.
ఖాళీల వివరాలు
ఈ నోటిఫికేషన్ ద్వారా జూనియర్ లైబ్రరీ ఎగ్జిక్యూటివ్ పోస్టులను భర్తీ చేస్తున్నారు.
- పోస్టు పేరు: జూనియర్ లైబ్రరీ ఎగ్జిక్యూటివ్
- మొత్తం ఖాళీలు: 4
- పని చేసే విభాగం: సెంట్రల్ లైబ్రరీ
- ఉద్యోగ కాలం: రెండేళ్లు
- నెలవారీ స్టైపెండ్‌: రూ.25,000
రిజర్వేషన్ వివరాలు:
- అన్‌రిజర్వ్డ్ (UR): 2
- ఓబీసీ-ఎన్‌సీఎల్ (OBC-NCL): 1
- ఎస్టీ (ST): 1
విద్య అర్హత
ఈ పోస్టులకు దరఖాస్తు చేసుకునే అభ్యర్థులు ఏదైనా విభాగంలో బ్యాచిలర్ డిగ్రీ పూర్తి చేసి ఉండాలి. డిగ్రీలో కనీసం 60 శాతం మార్కులు లేదా 10 పాయింట్ల స్కేల్‌లో 6.0 సీజీపీఏ ఉండాలి.
అలాగే లైబ్రరీ అండ్ ఇన్ఫర్మేషన్ సైన్స్‌లో మాస్టర్స్ డిగ్రీ (MLIS) పూర్తి చేసి ఉండాలి. ఈ కోర్సులోనూ కనీసం 60 శాతం మార్కులు లేదా 10 పాయింట్ల స్కేల్‌లో 6.0 సీజీపీఏ సాధించి ఉండాలి.
ముఖ్యంగా, 2024, 2025 లేదా 2026 సంవత్సరాల్లో MLIS పూర్తి చేసిన అభ్యర్థులు మాత్రమే దరఖాస్తు చేసుకోవడానికి అర్హులు.
వయస్సు
అభ్యర్థుల గరిష్ఠ వయస్సు 30 సంవత్సరాలు. ప్రభుత్వ నిబంధనల ప్రకారం రిజర్వేషన్ వర్గాలకు వయోపరిమితిలో సడలింపు ఉంటుంది.
- ఎస్సీ, ఎస్టీ అభ్యర్థులకు: 5 సంవత్సరాలు
- ఓబీసీ-ఎన్‌సీఎల్ అభ్యర్థులకు: 3 సంవత్సరాలు
- దివ్యాంగ అభ్యర్థులకు: 10 సంవత్సరాలు
ఎంపిక విధానం
అభ్యర్థులను రాత పరీక్ష, ప్రాక్టికల్ పరీక్ష లేదా ఇంటర్వ్యూ ద్వారా ఎంపిక చేస్తారు. ఎంపిక ప్రక్రియకు అర్హులైన అభ్యర్థులకు ఈమెయిల్ ద్వారా సమాచారం అందిస్తారు.
రాత పరీక్ష, ట్రేడ్ టెస్ట్ లేదా చర్చను తాత్కాలికంగా 2026 డిసెంబర్ 10వ తేదీన నిర్వహించనున్నట్లు నోటిఫికేషన్‌లో పేర్కొన్నారు.
ఉద్యోగ కాలం, ఇతర వివరాలు
ఈ పోస్టులు రెండేళ్ల కాంట్రాక్ట్ ప్రాతిపదికన ఉంటాయి. ఎంపికైన అభ్యర్థులు వారానికి ఆరు రోజులు పనిచేయాల్సి ఉంటుంది. అవసరాన్ని బట్టి వేర్వేరు షిఫ్టుల్లో విధులు నిర్వహించడానికి సిద్ధంగా ఉండాలి.
క్యాంపస్‌లో వసతి సౌకర్యం అందుబాటులో ఉంటే, నిర్ణీత చెల్లింపుతో పొందవచ్చు. కనీసం ఒక సంవత్సరం ఇంటర్న్‌షిప్ పూర్తి చేసినవారికి అనుభవ ధ్రువపత్రం అందిస్తామని నోటిఫికేషన్‌లో పేర్కొన్నారు.
దరఖాస్తు విధానం
అర్హులైన అభ్యర్థులు ఐఐటీ తిరుపతి వెబ్‌సైట్‌లో అందుబాటులో ఉన్న గూగుల్ ఫారం ద్వారా ఆన్‌లైన్‌లో దరఖాస్తు చేయాలి. దరఖాస్తుతో పాటు కింది పత్రాలను అప్‌లోడ్ చేయాలి.
- ఇటీవల తీసిన పాస్‌పోర్ట్ సైజు ఫొటో
- సంతకం
- బ్యాచిలర్ డిగ్రీ సర్టిఫికెట్
- MLIS మార్కుల మెమోలు, సర్టిఫికెట్
- పుట్టిన తేదీ వివరాలు ఉన్న పదో తరగతి సర్టిఫికెట్
ముఖ్యమైన తేదిలు
- నోటిఫికేషన్ విడుదల తేది : 2026 నవంబర్ 5
- దరఖాస్తుకు చివరి తేది : 2026 నవంబర్ 25
- రాత పరీక్ష/ట్రేడ్ టెస్ట్ లేదా చర్చ తాత్కాలిక తేది : 2026 డిసెంబర్ 10
Official Notification : Click Here
