ఇంటర్ (12th) పాస్ అయ్యారా? కేంద్ర ప్రభుత్వ ఉద్యోగం కోసం ఎదురుచూస్తున్నారా? అయితే మీకు ఇది మంచి అవకాశం. స్టాఫ్ సెలక్షన్ కమిషన్ (SSC) Combined Higher Secondary (10+2) Level Examination 2026 నోటిఫికేషన్ విడుదల చేసింది. ఈ రిక్రూట్‌మెంట్ ద్వారా కేంద్ర ప్రభుత్వంలోని వివిధ మంత్రిత్వ శాఖలు, విభాగాలు, కార్యాలయాల్లో LDC/JSA, DEO, DEO Grade-A పోస్టులను భర్తీ చేయనున్నారు. ప్రస్తుతం సుమారు 2,536 ఖాళీలు ప్రకటించారు.
పోస్టుల వివరాలు
ఈ రిక్రూట్‌మెంట్‌లో ప్రధానంగా కింది పోస్టులు ఉన్నాయి:
- Lower Division Clerk (LDC) / Junior Secretariat Assistant (JSA)
- Data Entry Operator (DEO)
- Data Entry Operator Grade-A
LDC/JSA పోస్టులకు Pay Level-2: రూ.19,900–63,200 జీతశ్రేణి ఉంటుంది. DEO పోస్టులకు పోస్టును బట్టి Pay Level-4: రూ.25,500–81,100 లేదా Pay Level-5: రూ.29,200–92,300 ఉంటుంది. DEO Grade-Aకి Pay Level-4: రూ.25,500–81,100 ఉంటుంది.
విద్యార్హత
LDC/JSA, DEO, DEO Grade-A పోస్టులకు సాధారణంగా గుర్తింపు పొందిన బోర్డు/యూనివర్సిటీ నుంచి 12వ తరగతి లేదా సమానమైన పరీక్షలో ఉత్తీర్ణత ఉండాలి.
అయితే కొన్ని నిర్దిష్ట DEO/DEO Grade-A పోస్టులకు 12thలో Science Streamతో పాటు Mathematics ఒక సబ్జెక్టుగా ఉండటం తప్పనిసరి. కాబట్టి పోస్టును బట్టి అర్హతను తప్పనిసరిగా చెక్ చేయాలి.
12th పరీక్షకు హాజరైన అభ్యర్థులు కూడా దరఖాస్తు చేసుకోవచ్చు. అయితే 07-10-2026 నాటికి అవసరమైన విద్యార్హత పూర్తై ఉండాలి.
వయసు ఎంత ఉండాలి?
01-08-2026 నాటికి 18 నుంచి 27 సంవత్సరాల మధ్య వయసు ఉన్నవారు దరఖాస్తు చేసుకోవచ్చు. అంటే 02-08-1999 నుంచి 01-08-2008 మధ్య జన్మించిన అభ్యర్థులు అర్హులు.
రిజర్వేషన్ కేటగిరీలకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది. ఉదాహరణకు SC/STలకు 5 సంవత్సరాలు, OBCలకు 3 సంవత్సరాల సడలింపు ఉంది.
ఎంపిక విధానం
SSC CHSL 2026లో ఎంపిక ప్రక్రియలో Tier-I, Tier-II పరీక్షలు ఉంటాయి.
Tier-I పరీక్ష
Tier-I కంప్యూటర్ ఆధారిత పరీక్షలో మొత్తం 100 ప్రశ్నలు – 200 మార్కులు ఉంటాయి.
- English Language – 25 ప్రశ్నలు, 50 మార్కులు
- General Intelligence – 25 ప్రశ్నలు, 50 మార్కులు
- Quantitative Aptitude – 25 ప్రశ్నలు, 50 మార్కులు
- General Awareness – 25 ప్రశ్నలు, 50 మార్కులు
ప్రతి విభాగానికి 15 నిమిషాల sectional timer ఉంటుంది. తప్పు సమాధానానికి 0.50 మార్కు negative marking ఉంటుంది.
Tier-II పరీక్ష
Tier-IIలో Mathematical Abilities, Reasoning & General Intelligence, English Language & Comprehension, General Awareness, Computer Knowledge Testతో పాటు పోస్టును బట్టి Skill Test/Typing Test ఉంటుంది.
LDC/JSA పోస్టులకు Typing Test, DEO పోస్టులకు Skill Test ఉంటుంది. DEOలకు Skill Test తప్పనిసరి.
దరఖాస్తు ఫీజు
అభ్యర్థులు రూ.100 అప్లికేషన్ ఫీజు చెల్లించాలి.
అయితే మహిళలు, SC, ST, PwBD, అర్హత కలిగిన Ex-Servicemen అభ్యర్థులకు ఫీజు మినహాయింపు ఉంది.
ముఖ్యమైన తేదిలు
- ఆన్‌లైన్ దరఖాస్తులు ప్రారంభం: 07-09-2026
- దరఖాస్తుకు చివరి తేదీ: 07-10-2026 రాత్రి 11:00 గంటల వరకు
- ఫీజు చెల్లింపుకు చివరి తేదీ: 08-10-2026 రాత్రి 11:00 గంటల వరకు
- Application Correction: 14-10-2026 నుంచి 16-10-2026 వరకు
- Tier-I Exam: తేదీని తరువాత ప్రకటిస్తారు
- Tier-II Exam: తేదీని తరువాత ప్రకటిస్తారు.
ఎలా అప్లై చేయాలి?
అభ్యర్థులు SSC అధికారిక వెబ్‌సైట్ ద్వారా మాత్రమే ఆన్‌లైన్‌లో దరఖాస్తు చేయాలి. mySSC మొబైల్ యాప్ ద్వారా కూడా అప్లై చేసే అవకాశం ఉంది.
వెబ్‌సైట్‌లో One-Time Registration (OTR) పూర్తి చేసిన తర్వాత CHSL 2026 అప్లికేషన్‌ను పూర్తి చేయాలి. పాత SSC వెబ్‌సైట్‌లో చేసిన OTR కొత్త వెబ్‌సైట్‌లో పనిచేయదని నోటిఫికేషన్‌లో స్పష్టంగా పేర్కొన్నారు.
Official Notification : Click Here
