ప్రభుత్వ ఉద్యోగాల కోసం ఎదురుచూస్తున్న యువతకు ఇండో-టిబెటన్ బోర్డర్ పోలీస్ ఫోర్స్ (ITBP) నుంచి ఉద్యోగ నోటిఫికేషన్ విడుదలైంది. Head Constable పోస్టుల భర్తీకి అర్హులైన పురుష, మహిళా అభ్యర్థుల నుంచి ఆన్‌లైన్ దరఖాస్తులను ఆహ్వానించింది. ఈ రిక్రూట్‌మెంట్ ద్వారా మొత్తం 16 పోస్టులను భర్తీ చేయనున్నారు.
పోస్టుల వివరాలు
హెడ్ కానిస్టేబుల్ (Education & Stress Counsellor) – మొత్తం 16 పోస్టులు.
వీటిలో పురుషులకు 14, మహిళలకు 2 పోస్టులు ఉన్నాయి. కేటగిరీల వారీగా UR, SC, ST, OBC, EWS రిజర్వేషన్లు ఉన్నాయి. నోటిఫికేషన్‌లో ఖాళీల సంఖ్య తాత్కాలికమని, అవసరాన్ని బట్టి మారవచ్చని ITBP పేర్కొంది.
అర్హత ఏంటి?
ఈ పోస్టులకు దరఖాస్తు చేయాలంటే గుర్తింపు పొందిన యూనివర్సిటీ నుంచి డిగ్రీ ఉండాలి.
అర్హత రెండు విధాలుగా ఉంది:
- డిగ్రీలో Psychology ఒక సబ్జెక్టుగా చదివి ఉండాలి. లేదా
- గుర్తింపు పొందిన యూనివర్సిటీ నుంచి డిగ్రీతో పాటు B.Ed / Bachelor of Teaching లేదా సమానమైన అర్హత ఉండాలి.
వయసు ఎంత ఉండాలి?
అభ్యర్థుల వయసు 20 నుంచి 25 సంవత్సరాల మధ్య ఉండాలి.
వయసును 27 అక్టోబర్ 2026 నాటికి లెక్కిస్తారు. అంటే అభ్యర్థి 28 అక్టోబర్ 2001 కంటే ముందుగా, 27 అక్టోబర్ 2006 కంటే తరువాత జన్మించి ఉండకూడదు. నిబంధనల ప్రకారం SC/ST, OBC తదితర కేటగిరీలకు వయో సడలింపు ఉంటుంది.
జీతం ఎంత?
ఈ పోస్టులకు 7వ పే కమిషన్ ప్రకారం Level-4 Pay Matrix వర్తిస్తుంది.
- ₹25,500 – ₹81,100
- దీనికి అదనంగా DA, Ration Money, Transport Allowance, HRA/ఉచిత వసతి, Leave Travel Concession, Medical Facilities తదితర ప్రయోజనాలు నిబంధనల ప్రకారం లభిస్తాయి.
ఫిజికల్ స్టాండర్డ్స్
ITBP ఉద్యోగం కావడంతో శారీరక ప్రమాణాలు కూడా తప్పనిసరి.
సాధారణ రాష్ట్రాలు/కేంద్ర పాలిత ప్రాంతాల అభ్యర్థులకు:
- పురుషులు: 170 సెం.మీ. ఎత్తు
- మహిళలు: 157 సెం.మీ. ఎత్తు
- పురుషులకు ఛాతీ: 80–85 సెం.మీ.
కొన్ని నిర్దిష్ట ప్రాంతాలు, కేటగిరీల అభ్యర్థులకు ఎత్తులో సడలింపు ఉంది. ST అభ్యర్థులకు కూడా ప్రత్యేక ప్రమాణాలు నోటిఫికేషన్‌లో పేర్కొన్నారు.
ఎంపిక ప్రక్రియ ఎలా ఉంటుంది?
అభ్యర్థులను పలు దశల్లో ఎంపిక చేస్తారు.
Phase-I: Physical Efficiency Test (PET)
పురుషులకు:
- 1.6 కి.మీ. పరుగు – 7 నిమిషాల 30 సెకన్లలో
- Long Jump – 11 అడుగులు
- High Jump – 3.5 అడుగులు
మహిళలకు:
- 800 మీటర్ల పరుగు – 4 నిమిషాల 45 సెకన్లలో
- Long Jump – 9 అడుగులు
- High Jump – 3 అడుగులు
PETలో మార్కులు ఉండవు. ఇది క్వాలిఫైయింగ్ టెస్ట్ మాత్రమే.
PET తర్వాత Physical Standard Test (PST) నిర్వహిస్తారు. ఇందులో ఎత్తు, పురుషులకు ఛాతీ, బరువును పరిశీలిస్తారు.
రాత పరీక్ష
PSTలో అర్హత సాధించిన వారికి 100 మార్కుల రాత పరీక్ష ఉంటుంది. మొత్తం 100 ప్రశ్నలు, 2 గంటల సమయం ఉంటుంది.
- General English – 10 మార్కులు
- General Hindi – 10 మార్కులు
- General Awareness – 10 మార్కులు
- Quantitative Aptitude & Simple Reasoning – 10 మార్కులు
- Psychology – 60 మార్కులు
ఈ పరీక్షలో Negative Marking లేదు.
తర్వాత మెరిట్ ఆధారంగా డాక్యుమెంట్ వెరిఫికేషన్, Detailed Medical Examination (DME) దశలకు అభ్యర్థులను షార్ట్‌లిస్ట్ చేస్తారు.
దరఖాస్తు ఫీజు
- UR/OBC/EWS పురుష అభ్యర్థులకు – ₹100
- SC/ST అభ్యర్థులు – ఫీజు లేదు
- మహిళా అభ్యర్థులు – ఫీజు లేదు
- Ex-Servicemen – ఫీజు లేదు
ఫీజును ఆన్‌లైన్‌లో మాత్రమే చెల్లించాలి.
ముఖ్యమైన తేదిలు
- ఆన్‌లైన్ దరఖాస్తులు ప్రారంభం: 28 సెప్టెంబర్ 2026
- దరఖాస్తుకు చివరి తేదీ: 27 అక్టోబర్ 2026 రాత్రి 11:59 గంటల వరకు
అభ్యర్థులు చివరి తేదీ వరకు వేచి ఉండకుండా ముందుగానే అప్లై చేయాలని ITBP సూచించింది.
ఎలా అప్లై చేయాలి?
అభ్యర్థులు ITBP అధికారిక రిక్రూట్‌మెంట్ వెబ్‌సైట్ ద్వారా మాత్రమే ఆన్‌లైన్‌లో దరఖాస్తు చేయాలి. ఆఫ్‌లైన్ దరఖాస్తులను స్వీకరించరు. అప్లికేషన్‌లో ఇచ్చే మొబైల్ నంబర్, ఈమెయిల్ ID యాక్టివ్‌గా ఉండాలి. ఆఫీసియల్ నోటిఫికేషన్ క్రింద ఇచ్చాను చెక్ చేసుకోగలరు.
Official Notification : Click Here
